Sími 441 5200

Fréttir

Klókir litlir krakkar

Námskeið fyrir foreldra barna 3 – 6 ára með fyrstu einkenni kvíða

10.2.2016

 Forvarnarnámskeiðið Klókir litlir krakkar er námskeið fyrir foreldra 3-6 ára barna sem eru í áhættuhópi fyrir að þróa með sér kvíðaraskanir. Námskeiðið miðar að því að fræða foreldra um eðli kvíða og kenna þeim leiðir til að takast á við kvíðahegðun barna sinna og auka sjálfstraust þeirra. Vonast er til að með slíku

forvarnarnámskeiði verði hægt að minnka kvíðahegðun barna og í sumum tilfellum koma í veg fyrir að börn þrói með sér kvíðaröskun seinna meir. Þýðing og reynsluprófun námskeiðsins var samvinnuverkefni Þroska- og hegðunarstöðvar, BUGL og tveggja íslenskra útskriftarnema við Háskólann í Árósum.

Næsta námskeið verður haldið á vegum Kópavogsbæjar í Fannborg 6 á vorönn 2016.  

Námskeiðsgjaldið er kr. 7000.- fyrir einstakling og kr. 9400.- fyrir parið.

Aðeins eru laus pláss fyrir foreldra 8 barna á hverju námskeiði. Skráning er í gegnum tölvupóst á hannamaria@kopavogur.is og audurmagnus@kopavogur.is

Foreldrar verða beðnir um að svara nokkrum spurningalistum fyrir og eftir námskeið til að meta árangur.  Leiðbeinendur námskeiðanna (tveir á hverju námskeiði) verða Auður Magnúsdóttir og Hanna María Jónsdóttir, sálfræðingar

Fyrirkomulag

Hvert námskeið er 12 klukkustundir og skiptist í 6 skipti, kl. 19:30 – 21:30. Fyrstu 4 skiptin eru  vikulega, síðan líður vika á milli fyrir tíma 5 og tíma 6 (sjá dagskrá hér að neðan). Rík áhersla er lögð á umræður og virka þátttöku foreldra til að tryggja að efnið nýtist hverjum og einum sem best. Milli tíma vinna foreldrar heimaverkefni sem snúa að því að vinna með kvíðaeinkenni barna sinna. 

Mikilvægt er að foreldrar geti mætt í alla tímana og mælt er með því að báðir foreldrar sæki námskeiðið.

Vor 2016

Tími 1 - Þriðjudagur 23. febrúar, kl. 19.30 - 21.30

Tími 2 - Þriðjudagur 1. mars, kl. 19.30 - 21.30

Tími 3 - Þriðjudagur 8. mars, kl. 19.30 - 21.30

Tími 4 - Þriðjudagur 15. mars, kl. 19.30 - 21.30

Tími 5 - Þriðjudagur 29 mars, kl. 19.30 - 21.30

Tími 6 - Þriðjudagur 12. apríl, kl. 19.30 - 21. 30

Hér að auglýsingin á pdf formi - Klókir litlir krakkar - Vor 2016

 



Þetta vefsvæði byggir á Eplica